Spurt og svarað

• Nú hugsa eflaust einhverjir: “Var hann ekki að segja að aðeins auðugt fólk ætti dýra hluti? Ég á nú til dæmis bíl og aldrei hef ég komið í sjónvarpið.”
  
  
• Ég á að sjálfsögðu ekki við hvaða bíl eða einbýlishús sem er. Maður sem er með 200 þúsund krónur á mánuði á til dæmis mjög líklega ekki 18 milljón króna bíl og býr í 24 herbergja einbýlishúsi á þrem hæðum, með flatskjá í hverju herbergi og sundlaug í garðinum
  

Gott og vel. Ég tel mig vita hverjir dýrustu hlutir í heimi eru, og hef ég ákveðið að segja hér stutta sögu um þá stund er ég kost að því hvaða hlutir það eru.

Í gær brá ég mér í MARtölvuna þar sem hægt er að fá ýmiskonar tölvuíhluti og jaðartæki. Ég fór þó ekki þangað fyrir neina tilviljun, heldur var það ekki bara mikill söknuður sem dró mig inn fyrir dyrnar, heldur einnig þrá og ástríða. Ég meina þó ekki að ég hafi borið þessar tilfinningar til hennar Sigríðar í MARtölvunni, þrátt fyrir að hún sé góð og glaðlynd kona, heldur varð ég fyrir því ómaki um daginn að glata hlut sem ég kýs að kalla “tappaheyrnatól”, eða “earphones” eins og heiti þess er á ensku, en þessi hlutur er mér ómissandi á ýmsum stöðum, og þá mundi ég helst nefna Félagsfræði 103 í stofu 203 í skólanum, og einnig á hlaupabrettinu í Sporthöllinni þó svo að ég noti það sjaldan.
Hvað heldur þú, kæri lesandi, að svona tappaheyrnatól kosti? Ég held að ég sé ekki að ljúga þegar ég segi að svona heyrnatól sé hægt að fá frítt í Sparisjóðnum, og ekki bara frí eins og sér, heldur fylgir útvarp með. Þessi staðreynd gaf mér þá hugmynd að svona heyrnatól væru ansi ódýr. Ég brá mér innfyrir dyrnar og hóf að skoða úrvalið. Þau áttu til ábyggilega 5 – 6 misdýrar tegundir af svona heyrnatólum. Sum þeirra virtust meira að segja vera nokkuð snotur, virtust kunna vel við sig í eyrum og vildu ekki valda manni neinum skaða, líkt og mörg svona tappaheyrnatól vilja oft gera, þau vilja gjarnan særa mann hægt og rólega. En burt séð frá því kostuðu öll þessi heyrnatól í þægilegri kantinum eitthvað á milli 2500 – 4000 kr. Ég spurði sjálfan mig “Er ég að fara að kaupa mér tappaheyrnatól á 4000 kall?” Ég hélt nú síður. Ég leitaði betur í hillunni og fann heyrnatól sem kostuðu 980 kr. og þau voru alls ekki ólík þeim sem ég átti áður. Ég lét mig hafa það, og festi á þeim kaup.

Eins og ég kom inn á áðan, þá er hægt að fá tappaheyrnatól með fríu útvarpi, og ég notað nokkur þannig heyrntól og reynslan er sú að þau hljóma frekar illa og skemmast mjög auðveldlega, en athugið, þau kosta ekki neitt. Þessi þúsund króna heyrnatól sem ég var að fjárfesta í eru nákvæmlega eins. Ég tengi þau í tölvuna og hlutaði á lag sem hljómaði eins og það hafi verið tekið upp í rafmagnslausu torfhúsi. Og ég var ekki fyrr búin að tengja heyrnatólin áður en hægri tappinn slitnaði af og var því allur áhugi minn á þessum heyrnatólum farinn til fjandans. Nei – reyndar ekki. Ég var að ljúga með þennan part þar sem ég sagði að heyrnatólin hefðu slitnað, og ég sé eftir því. Það er ljótt að ljúga. Ég þekki þó marga sem hafa lent í því að tappaheyrnatól hafi slitnað upp úr engu, og hef reyndar oft lent í því sjálfur. Þessi sem ég er með munu eflaust gera það.. það heyrist alveg á þeim.

Boðskapur þessarar færslu: Það tekur þig klukkustund eða meira að vinna þér inn þúsund krónum. Vilsamlegast ekki eyða þeim pening í léleg tappaheyrnatól.

np; Smashing Pumpkins - Thru the eyes of Ruby, Silverchair - Slave, Smashing Pumpkins - Try, Try, Try, Smashing Pumpkins - Bury Me, Dixon - Its all but easy, G55 Killahbeez - Think 'bout dat

Jahh, hvernig á ég að hafa þetta.. hvað hefur drifið á mína daga núna undanfarnar vikur.. já eða jafnvel bara mánuði?

Vangaveltur
Ég legg höfuðið í bleyti.. ekkert spennandi? Á ég mér virkilega það lítið líf að ég get ekki einu sinni setist niður og skrifað blogg færslu sem inniheldur minnst einn athyglisverðan atburð? Höfuð mitt er stútfullt af góðum minningum, er það ekki? Afhverju blogga ég ekki bara um eitthvað gamalt. Rétt í þessu hringdi síminn og viti menn! Ég er kominn með smá blogg efni!

...

Valur Zophoníasson, einn af mínum lang bestu vinum, er brottfluttur Hornfirðingur, fluttist til Reykjavíkur og ætlar að dvelja þar út þessa önn og líklega lengur. Hann gerðist svo góður að kíkja í heimsókn til Hafnar þessa helgina og heilsa upp á “gamla” vini og fjölskildu sína. Nú hugsa eflaust margir: “Fjárinn, ég missti af honum” eða hugsanlega eru þarna örfá fífl sem hugsa “Ahh.. Sunnudagur, þá er hann líkast til farinn. Thank god.” En nei, þið hafið rangt fyrir ykkur! Hann lagði jú af stað í langför til Reykjavíkur um 16 leitið í dag ásamt öðrum brottfluttum Hornfirðingum, eða þeim Júlíu Scheving og Birnu Jódísi Magnúsdóttur. Þau höfðu þó ekki keyrt lengi (að Jökulsár brúnni) þegar einhverjir anskotans túristar gerðust svo sniðugir að snarhemla á miðri brúnni (sem var heldur sleið vegna mikillar rigningar) til þess eins að horfa á ísinn í sjónum eða eitthvað álíka steikt. Það endaði þó ekki betur en svo að þau þutu aftan á útlendingana og fór það svo illa að þau eru öll komin til baka.. sem betur fer í heilu lagi, eða það held ég allavega.

Annars var þessi helgi mjög fín, Gísli á Hótelinu átti 40 ára afmæli.. reyndar átti Hótel Höfn líka 40 ára afmæli fyrir akkurat viku síðan, vil bara óska þeim 2 innilega til hamingju með afmælið. Hann hélt stóra veislu á Hótelinu og komu bróðir minn, hann Eggert ásamt Felix, syni Gísla fram ásamt félaga sínum, en þeir eru saman í hljómsveit. Þeir spiluðu þarna frumsamið tónverk og djöfull komu þeir mér á óvart! Þeir voru hreint út sagt geðveikir! Einnig átti Emil Morávék afmæli á fimmtudag og faðir minn á föstudag og áfram gæti ég þulið upp milljón afmælisbörn sem áttu afmæli á síðustu vikum, en ég tel að það geri færsluna ekki mikið meira spennandi. Gunnar Hersir var einnig mjög ferskur þessa helgina, held að hann hafi haldið ein 3 teiti þessa helgi enda er hann mikill höfðingi sem fílar Temple of the Dog. Svo sem ekkert sem maður vill vera að fara að gaspra í umheiminn um þessi teiti, enda voru þau bara þægileg með rólegum hætti og gaman að þeim, mjög svo. Reyndar urðu þarna smá barsmíðar í síðasta partýinu sem kom öllum í opna skjöldu en við vonum að allir hafi bjargast úr því.

Annars get ég svona skotið því inn að við félagar í Modis erum komnir í gang aftur með nýjan trommara, Bigga Reynis, og einnig nýtt æfingarhúsnæði, á neðri hæðinni í gamla KASK. Við ætlum að vera þar tímabundið vegna þess að þeir félagar í Parket eru með forgang á okkur þegar þeir koma aftur (sem líklega verður um jólin) þannig endilega látið vita ef þið vitið af lausu húsnæði.

Ætla að fara að leggja lokahönd á þessa færslu, stefni á að gera stutt myndablogg næst þegar ég finn ekkert viðfangsefni af sumrinu góða áður en það verður of seint.

Kveð að sinni;
Höddi

P.S:
Vá! Þessu var ég næstum því búinn að gleyma! Eftir nokkurra mánaða bið (eitt sumar + rúmur mánuður) er nýji South Park þátturinn loksins kominn út!!!!!!! Þar eru þeir félagar að gera grín að World of Warcraft, og ber þátturinn titilinn Make love, not World of Warcraft og er ALGJÖR snilld. Mæli með honum alveg jafn heitt og ég mæli með þessu:

Plötur í spilun núna og næstu vikur:
Pearl Jam – Binaural
Tool – 10.000 days
Soundgarden – Down on the upside
Temple of the Dog – Temple of the Dog
Chris Cornell – Euphoria Morning
Jerry Cantrell – Boggy Depot
Stone Temple Pilots – Core, Purple

Ásamt smellum eins og
Silverchair – Freak, Testament – Return to serenity (acoustic), Mudhoney – Shoot the moon, Silverchair – Israels son, Superjoint Ritual – Fuck your enemy, Smahsing Pumpkins – Zero, Smashing Pumpkins – Disarm, Alice in Chains – Right Turn, Alice in Chains - Social Parasite, Oasis - Turn up the sun